Qaydalar

Sayta qeydiyyatdan keçməklə və ya xidmətlərdən istifadə etməklə bu qaydaları oxuduğunuzu, başa düşdüyünüzü və qəbul etdiyinizi təsdiqləyirsiniz.
Qaydalar əvvəlcədən xəbərdarlıq edilmədən yenilənə bilər. Yenilənmiş qaydalar dərc olunduğu andan qüvvəyə minir.
Qaydalardan xəbərsiz olmaq məsuliyyətdən azad etmir.

Hər istifadəçi yalnız bir hesab aça bilər. Bonus, endirim və ya dəvət hədiyyəsi əldə etmək üçün çoxlu hesab açmaq qadağandır — belə hesablar xəbərdarlıqsız bloklanır.
Qeydiyyatda real və işlək email ünvanı göstərilməlidir.
Hesabı başqasına satmaq, ötürmək və ya icarəyə vermək qadağandır.

Şifrənizi, iki mərhələli giriş kodlarınızı və API açarınızı heç kimlə paylaşmayın.
Hesabınızda baş verən bütün əməliyyatlara (sifariş, ödəniş, API sorğuları) görə siz cavabdehsiniz.
Hesabınıza icazəsiz giriş şübhəsi olarsa, dərhal şifrəni dəyişin və dəstəyə müraciət edin.
Təhlükəsizlik üçün iki mərhələli girişi (2FA) aktiv etməyiniz tövsiyə olunur.

Sifariş verməzdən əvvəl xidmətin təsvirini, minimum/maksimum miqdarı və başlama vaxtını diqqətlə oxuyun.
Link düzgün formatda olmalı və hesab/paylaşım açıq (public) olmalıdır. Bağlı (private) hesab, silinmiş paylaşım və ya səhv linkə verilən sifarişlər geri qaytarılmır.
Sifariş icra olunarkən hesabın adını dəyişmək, paylaşımı silmək və ya hesabı bağlamaq qadağandır — bu halda sifariş “tamamlanmış” sayılır.
Eyni linkə eyni xidmət üzrə ikinci sifarişi birinci tamamlanmadan verməyin; nəticələr qarışarsa geri ödəniş edilmir.

Xidmətlərdə göstərilən başlama və icra vaxtı təxminidir; platformadakı yüklənmədən asılı olaraq uzana bilər.
Sosial şəbəkələrin öz qaydaları səbəbindən izləyici, bəyənmə və baxışların bir hissəsi zamanla azala bilər (düşmə). Bu, sayt tərəfindən idarə olunmur.
Sosial şəbəkənin hesaba tətbiq etdiyi məhdudiyyət, bloklama və ya cərimələrə görə sayt məsuliyyət daşımır.

Refill yalnız təsvirində “Refill” olan xidmətlərə və göstərilən müddət ərzində şamil edilir.
Refill tələbi yalnız sifariş tamamlandıqdan sonra və düşmə baş verdikdə qəbul olunur.
Ləğv (cancel) yalnız xidmət bunu dəstəklədikdə mümkündür. Ləğv edilən və ya qismən icra olunan (partial) sifarişlərin icra olunmayan hissəsinin məbləği balansa qaytarılır.

Balansa yüklənən vəsait yalnız saytdakı xidmətlər üçün istifadə olunur, nağd pula çevrilmir və başqa hesaba köçürülmür.
Manual ödənişdə qəbz aydın, tam və sizə aid olmalıdır. Saxta, redaktə olunmuş və ya başqasına aid qəbz göndərən hesablar birdəfəlik bloklanır.
Balans yalnız ödəniş təsdiqləndikdən sonra artır. Eyni qəbz ikinci dəfə qəbul edilmir.
Ödəniş zamanı bank tərəfindən tutulan komissiyalara görə sayt məsuliyyət daşımır.

İstifadə olunmuş balans və tamamlanmış sifarişlər üçün geri ödəniş edilmir.
Sifariş texniki səbəbdən icra olunmazsa, məbləğ avtomatik olaraq sayt balansına qaytarılır.
Kart və ya bank hesabına geri ödəniş yalnız rəhbərliyin qərarı ilə, istisna hallarda edilir.
Ödənişdən sonra bank vasitəsilə əsassız geri çağırma (chargeback) edən hesab bloklanır.

Endirim, sədaqət statusu, balans bonusu və dəvət hədiyyələri yalnız qaydalara uyğun, real fəaliyyətə görə verilir.
Saxta dəvət, öz-özünü dəvət etmə və ya sistemi aldatmağa yönəlmiş hərəkətlər aşkar edilərsə, qazanılmış bonuslar ləğv olunur və hesab bloklana bilər.
Sayt kampaniya şərtlərini istənilən vaxt dəyişmək və ya dayandırmaq hüququnu saxlayır.

Xidmətlərdən qanunsuz, zorakılığa çağıran, nifrət, dələduzluq, uşaqlara zərər verən və ya başqasının hüquqlarını pozan məzmunun təşviqi üçün istifadə etmək qadağandır.
Başqasının hesabına onun icazəsi olmadan zərər vermək (məs. kütləvi şikayət) məqsədli sifarişlər qadağandır.
Belə sifarişlər xəbərdarlıqsız ləğv edilir, məbləğ qaytarılmaya bilər və hesab bloklanır.

API açarı yalnız sizin öz saytınız və ya sisteminiz üçündür, üçüncü şəxslərə verilməməlidir.
Sorğu limitlərini aşmaq, saytı yükləmək və ya zəiflikləri axtarmaq məqsədli sorğular qadağandır.
API ilə verilən sifarişlər saytdan verilən sifarişlərlə eyni qaydalara tabedir.

Bütün sual və problemlər üçün panel daxilindəki “Dəstək” (ticket) bölməsindən istifadə edin; eyni mövzuda bir neçə ticket açmayın.
Müraciətdə sifariş nömrəsini və problemi aydın yazın.
Dəstək əməkdaşlarına qarşı təhqiramiz və hədələyici davranış hesabın bloklanmasına səbəb olur.

Bu qaydaları pozan hesablar müvəqqəti və ya birdəfəlik bloklana bilər.
Qaydaların ciddi pozulmasına (saxta qəbz, dələduzluq, chargeback) görə bloklanan hesabların balansı qaytarılmır.
Bloklama ilə razı deyilsinizsə, dəstək vasitəsilə müraciət edə bilərsiniz.

Sayt xidmətləri “olduğu kimi” təqdim edir və sosial şəbəkələrin alqoritmlərinə, qaydalarına və ya fasilələrinə görə nəticəyə zəmanət vermir.
Saytın məsuliyyəti heç bir halda sözügedən sifariş üçün ödənilmiş məbləğdən artıq ola bilməz.
Texniki işlər zamanı sayt müvəqqəti əlçatmaz ola bilər.